Dhaqan-xumada Siyaasadeed: waa maxay?

Labada magac-uyaal ee "Qaran" iyo "Qabiil" waa sida " Madax" iyo "Minjo" oo kale, haddii ay minjuhu ka sara maraan madaxa. Qofku ma saan qaadi karaa? waa may. Waa sidaas oo kale markii danta qabiiladu ay ka kor marato midda qaranka!!.Qabiilka oo Qaranka laga sarreysiiyo waa dhaqan-xumo siyaasadeed.

Talada iyo hoogaamintu waa xaq ay bushadu u wada simantahay, waxaana lagu muteystaa in loo cagatamo oo iyada oo marqaati looga wada yahay uu qofkii laaqi u ah ku soo baxo . Mar Haddiise qofka lagu doorto musuq ama waa ina adeerkay mudnaan lagu siiyo midaasi waa dhaqan-xumo siyaasadeed.

Kooxda ciyaartooyda ah markii ay garoon ku dheelayaan waxay dadweynuhu ugu sabacabo-tumaan ciyaar wanaagooda waa wadarta ay u ciyaarayaan. Hadiise uu mid qura marooqsado kubada sabac laguma maamuuseen. Waxaa sidaasi ka dhigan in mid qur ah uu hogaanka iyo talada marooqsado inta kalena meel ku xiro, dabeedna yiraahdo aniga kali ah ayaa meesha macalin ka ah. Digtaatooriyada & Talo marooqsigu waa dhaqan-xumo siyaasadeed.

Shaqooyinka, Jagooyinka, iyo xirfadaha kale dhamaan hadba, dadka loo igmanayo waxaa lagu xushaa sida ay mundnaan ugu kala leeyihiin. Hadiise midkii meel loo dhiibayo lagu jaangooyo kee baan hadalkayga daba mareyn waxna igu diidayn?, kee baa Nacam ii dhihi?, iyo kee baan aniga waxba i dheerayn? intuba waa dhaqan-xumo siyaasadeed.

Hogaamintu waa hawl u baahan kala danbeyn maamul, is maqal, is tixgalin iyo isla xisaabtan. Mar hadiise ay hawluhu jaantaa-rogan noqdaan oo mid Weyn iyo mid Yar la kala garan waayo waa dhaqan-xumo siyaasadeed.

Isku soo wada duuduub oo:

- Qabiilada oo qaraka lag sarreysiiyo

-Musuq iyo Xigaaleysiga

-Tala-marooqsiga

-Dadka tayada xun oo taliya.

-Is barbab-yaaca

Intaasi oo idil iyo kuwa kale oo ku hoos laaban ayaa ah hoyga dhaqan-xumada siyaasadeed.